Tidlegare visste ein ikkje meir om Ole Ellingsson enn at har var fødd kring 1751, truleg kom frå Haram og slo seg ned på Kvammen i Snipsøyrdalen på Hareid. Han var gift med Ane Ivarsdotter Store Alme (c1752), og dei fekk borna Eline (1787), Elling (1797) og Hans (1800). Vi veit ikkje kva som gjorde dette, men Ole stelte ikkje garden og husa så godt og gav frå seg bruket godvillig til neste brukar i 1804. Gjennom DNA-testing har det blitt funne ut at Ole Ellingsson kom frå garden Haram i Haram, f. 1753 (trykk på Geni-linken lenger nede på sida for å sjå linja vidare) og kan no spore linja hans heilt tilbake til Peder Rognaldsson Haram (1565-1628). Dette er utanfor området vi har fokusert på per i dag, men sidan mange vil sjå etter Ole Ellingsson som eldste ane, beheld vi han på sida her som eit godt døme på at DNA-testing kan hjelpe oss lenger bak i slektsgranskinga.