Ole Eriksson må ha vore fødd ein gong i andre halvdel av 1500-talet, og er den fyrste brukar vi kjenner til frå Erkegarden på Langvatn i Austefjorden. Vi veit lite om han, anna enn at han hadde sonen Erik (c1611) som tok over garden etter han. Der kom også ein Ole Knutsson til garden etter Ole Eriksson som skal ha blitt gift med enka hans. Vi veit ikkje kvar Ole kom frå - og det kan vel hende han var frå garden. Langvatn er ein gammal gard, og Erkegarden er eitt av dei gamle hovudbruka herfrå. Fyrste gongen Langvatn er nemnd i ei kjelde er i 1518-22 då Morten "på Lagwold" får kvittering for 1 lodd sølv i skatt. Seinare er det berre skrive Langvatn, og garden ligg ved Langvatnet og har nok fått namnet sitt frå dette.