Peder Knutsson Søre Kalvatn vart fødd truleg kring eller før 1600 og budde på Klåregarden på Søre Kalvatn. Søre Kalvatn var på denne tida eit klyngetun med mange bruk, og Klåregarden var eitt av dei gamle bruka på garden. Peder er ikkje så mykje nemnd i kjeldene, og vi veit ikkje kven han var gift med eller kor tid han døydde. Han var nok ingen rik mann for i 1660 klarta han ikkje å betale skatten sin. Vi veit at han hadde minst tre born; Ole (c1636), David (c1649) og Malene (gift til Nordfjord), og sonen Ole tok over bruket etter han. Denne Ole vart gift med Klara (Klåre), som garden vart oppkalla etter.