Kristoffer Ellingsson (c1640-?) kom til Øvsteberget på 1660-talet og gifte seg der med Anne Knutsdotter som var enke etter førre brukar, Anders Steinarsson. Øvsteberget vert også kalla Øygarden og er altså ein gard som truleg har vore forlatt etter svartedauden og vart teke oppatt etter 1600. Voldasoga 3 (s. 158) meiner Kristoffer kom frå garden Kile, men det nemner ikkje den nye Busetnadssoga. Det er heller ikkje mogleg å bevise med y-DNA ettersom det ikkje er agnatiske etterkommarar frå denne greina på Kile. Kristoffer og Anne fekk tre born; Elling (c1665), Steinar (c1671 - var krøpling) og Knut (c1689). Voldasoga meiner dei også hadde dottera Synneve. (Busetnadsoga for Volda 3: 68)