Karsten Jonsson Randall (c1550-?) kom frå Bergen og var av borgarmesterætt der. Han var gift med Maren Jørgensdotter Staur, som også var av adelsætt. Han kom til Fyrde kring 1595, og det var grunna handel. Fyrde var ein særs flott gard med mange inntektskjelder. På 1500-talet kom flaumsagene til landet, og det var mykje god furuskog på Fyrde, gode kornavlingar, og fiske - både laks og sild. Karsten budde nok berre delvis på garden, då han hadde handel andre stader også, men kallar seg "Karsten Jonsen til Førde". Karsten og Maren fekk minst tre born; Jon (c1585), Jørgen og Else. Det er framleis agnatiske etterkommarar av Karstein på Fyrde, og det er mange som ættar tilbake til han.